Ha khmat ka iit, nga ieng, nga peit,

Ia ka jinglyngkhuid jong ngi,

kane ka met naei ka mih

balei ka kit ia ka jingisih jong phi

Ma phi, iaei phi tieng?

Ia la ka met?

ia ki ksuid ha ka tdem?

Ka jingieit kam pyntieng ia nga

Pynban ha u budlum jong nga nga sngew

har har ka beh ka jingisih jong phi.

sha ka jingieit ka tip mo ia ka rong?

ia ka jait, ne ka jaitbynriew?

ne ka niam?

ka met jong phi kaba la shah bam

ha u kruin ka jingtieng

ha u kruin ka jinglehrain

ha u kruin ka jingkhaweit

Wat bret ha nga ia kine

Wat bret ia ka jingisih jong phi

Ha ka dur jong ka ‘Jingieit jaidbynriew’.

Namar ngan iai kiew

bad ka jaidbynriew kan iai kiew

Da ka jingieit bad ka jiniatiplem.

Ha khmat ka iit, nga ieng nga peit,

Ia ka lawei jong ki met jong ngi.

Ngin iai iuh halor ka jingisih jong phi,

bad her da ka jingiatiplem.

 

 

 

Advertisements